शरीराची तंदुरुस्ती राखण्यासाठी व वेगवेगळ्या शारीरिक-मानसिक आरोग्य समस्यांचा धोका कमी करण्यासाठी, तज्ञ मंडळी लोकांना त्यांच्या नियमित दिनचर्यामध्ये योग आसनांचा समावेश करण्याची शिफारस करतात. योगाभ्यासाने शारीरिक निष्क्रियता दूर करणे, रक्ताभिसरण वाढवणे, स्नायूंचा कडकपणा आणि मज्जातंतूंशी संबंधित विकार दूर करणे इत्यादि फायदे मिळू शकतात. वाढत्या शारीरिक निष्क्रियतेमुळे, अनेक प्रकारच्या दीर्घकालीन आरोग्य समस्यांचा धोका वाढला आहे, याला प्रतिबंध करण्यासाठी योगासनांचा सराव फायदेशीर मानला जातो.
योग तज्ज्ञांच्या मते, पर्वतासन योग नियमित करणे सत्वच वयोगटातील लोकांसाठी फायदेशीर ठरू शकते. या आसनामुळे सांधे संबंधीच्या समस्या दूर होतात, स्नायू लवचिक होतात आणि हात पाय मजबूत होतात.
या योगाच्या अभ्यासाचे फायदे शारीरिक निष्क्रियतेसह शरीराच्या लवचिकतेतील समस्यांवर मात करण्यासाठी देखील दिसून आले आहेत. चला जाणून घेऊया पर्वतासन योगाचे फायदे.
पर्वतासन योग कसा केला जातो?
पर्वतासन योग चा अभ्यास सर्व वयोगटातील लोकांसाठी फायदेशीर मानला जातो. या योगासाठी सर्वप्रथम वज्रासनाच्या आसनात बसावे. आता दोन्ही हातांची आणि पायाची बोटे हळूहळू जमिनीवर ठेवा. त्रिकोणी आकारात कंबर शक्य तितकी वर खेचा. आसन करताना तुमच्या शरीराचा आकार डोंगर उभा असल्यासारखा दिसायला हवा. दीर्घ श्वास घेण्याचा सराव करा आणि काही काळ या स्थितीत रहा. त्यानंतर पूर्ववत स्थितीत परत या.
वरील चित्रात दाखवल्याप्रमाणे हे आसन करायचे आहे.
वाचा> चेहरा सुंदर दिसण्यासाठी उपाय
पर्वतासन योगचे फायदे?
पर्वतासन योगाचा सराव केल्याने विविध प्रकारचे आरोग्यदायी फायदे होऊ शकतात. योग तज्ञ नियमितपणे या आसनाचा सराव करण्याची शिफारस करतात.
